Александар Свирски

Ѿ ю҆́ности бг҃омꙋ́дре жела́нїемъ дх҃о́внымъ въ пꙋсты́ню всели́всѧ, є҆ди́нагѡ хрⷭ҇та̀ возжела́лъ є҆сѝ ѹ҆се́рднѡ стопа́мъ въ слѣ́дъ ходи́ти. тѣ́мже и҆ а҆́гг҃льстїи чи́ни зрѧ́ще тѧ̀ ѹ҆диви́шасѧ, ка́кѡ съ пло́тїю къ неви̑димымъ ко́знемъ подвиза́всѧ премꙋ́дре, побѣди́лъ є҆сѝ полкѝ страсте́й воздержа́нїемъ: и҆ ꙗ҆ви́лсѧ є҆сѝ равноа́гг҃ленъ на землѝ, а҆леѯса́ндре прпⷣбне, молѝ хрⷭ҇та̀ бг҃а, да сп҃се́тъ дꙋ́шы на́шѧ.

Ꙗ҆́кѡ многосвѣ́тлаѧ ѕвѣзда̀, дне́сь въ страна́хъ рѡссі́йскихъ возсїѧ́лъ є҆сѝ ѻ҆́тче, всели́всѧ въ пꙋсты́ню, хрⷭ҇тѡ́вымъ стопа́мъ послѣ́довати ѹ҆се́рднѡ возжелѣ́лъ є҆сѝ, и҆ тогѡ̀ ст҃о́е и҆́го на ра́мо твоѐ взе́мъ честны́й крⷭ҇тъ, ѹ҆мертви́лъ є҆сѝ трꙋды̀ пѡ́двигъ твои́хъ, тѣлє́снаѧ взыгра̑нїѧ. тѣ́мже вопїе́мъ тѝ: сп҃сѝ ста́до твоѐ, є҆́же собра́лъ є҆сѝ мꙋ́дре, да зове́мъ тѝ: ра́дꙋйсѧ прпⷣбне а҆леѯса́ндре ѻ҆́тче на́шъ.