Серафим Саровски

Ѿ ю҆́ности хрⷭ҇та̀ возлюби́лъ є҆сѝ бл҃же́нне, и҆ томꙋ̀ є҆ди́номꙋ рабо́тати пла́меннѣ вожделѣ́въ, непреста́нною мл҃твою и҆ трꙋдо́мъ пꙋсты́ни подвиза́лсѧ є҆сѝ, ѹ҆миле́ннымъ же се́рдцемъ любо́вь хрⷭ҇то́вꙋ стѧжа́въ, и҆збра́нникъ возлю́бленъ бж҃їѧ мт҃ре ꙗ҆ви́лсѧ є҆сѝ. сегѡ̀ ра́ди вопїе́мъ тѝ: сп҃са́й на́съ мл҃твами твои́ми, серафї́ме, прпⷣбне ѻ҆́тче на́шъ.

Мї́ра красотꙋ̀ и҆ ꙗ҆̀же въ не́мъ тлѣ̑ннаѧ ѡ҆ста́вивъ, прпⷣбне, въ саро́вскꙋю ѻ҆би́тель всели́лсѧ є҆сѝ: и҆ та́мѡ а҆́гг҃льски пожи́въ, мнѡ́гимъ пꙋ́ть бы́лъ є҆сѝ ко сп҃се́нїю: сегѡ̀ ра́ди и҆ хрⷭ҇то́съ тебѐ, ѻ҆́тче серафї́ме, просла́ви и҆ да́ромъ и҆сцѣле́нїй и҆ чꙋде́съ ѡ҆богатѝ. тѣ́мже вопїе́мъ тѝ: ра́дꙋйсѧ, серафї́ме, прпⷣбне ѻ҆́тче на́шъ.